Desfidaments
Eth prumèr des objectius qu’ei assolidar es resultats artenhudi pendent eth programa anterior:
- Enriquís era rota 3404 damb naues rotes ath torn de Vielha e eth sòn espitau.
- Auer un sistèma de promocion entà arribar a ua clientàla internacionau.
- Mercés ath supòrt dera Fondacion ESPITAU DE BENASC, contunhar eth trabalh de memòria, recuperacion e espandiment der auviatge naturau e culturau transfrontarèr.
Accions prioritàries
ASSOLIDAR
Assolidar era cooperacion a trauèrs de:
- Era creacion d’ua agropacion economica de cooperacion territoriau tipe G.E.C.T. Se tracte d’estructurar permanentaments era cooperacion des desparières entitats, concentrar es projèctes ath torn d’ua estructura juridica unica entà favorir era unitat des accions, entà definir melhor eth posicionament de cada sòci. Se premanís auer lèu 30,000 euròs entà establir aguest grop.
- Era promocion deth REIAUME DETH ANETO mejançant eth supòrt ara comercializacion e gestion de productes toristics transfronterèrs. Açò implicarà establir un programa de comunicacion entà promòir e balhar supòrt ath marqueting e era gestion de productes transfronterèrs. Er objectiu qu’ei auer ua capacitat de gestion comerciau o empresariau entà destacar es productes dera cooperacion. En totau entad aguesta accion, era inversion pes quate sòcis qu’ei de: € 92,609.
MÉTER EN VALOR.
Méter en valor er auviatge culturau a trauèrs de:
- Era creacion d’un centre de documentacion transfronterèr entre Luishon, Vielha e Benasc.
- Afortir era identitat culturau comuna des abitants.
- Un programa de supòrt en centres escolars.
- Qu’ei previst amiar a tèrme exposicions itinerantes, eveniments de referéncia en Pireneïsme, formacion professionau deth territòri sus era identitat pirenenca; un hestau de cinèma transfronterèr, eca.
ESPANDIR
Méter en relèu er auviatge naturau a trauèrs dera concepcion, eth desvolopament e era comercializacion de productes toristics comuns.
- S’assolidarà eth producte toristic desvolopat pendent eth programa transfronterèr anterior. ROTA 3404. Camin de 38 km qu’aué junh era vila de LUISHON damb era de BENASC; tanben ei ua guida digitau que s’active automaticaments per deteccion de satellits en pas des punts d’interès (POI) georeferenciats. Es POI desvolopats son ua foncion dera ubicacion deth senderista en camin e des elements que i trape (hònt, chorrèra, bòsc, hanhàs, moracar), eca. Se n’encueden de desparièrs tèmes damb er objectiu principau: era mielhora der auviatge culturau e naturau transfronterèr. Aué per aué i a 3 rotes ath cant francés e 3 ath cant espanhòu, mès es aplicacions son desparières e es desvolopadors tanben. Era idèa qu’ei aufrir as visitaires eth benparat de combinar es dues aplicacions. Er objectiu ei dar ua auta dimension ad aguesta aplicacion en tot integrar eth territòri de Vielha.
- Mès especificaments deth cant francés, serà entà destacar eth lòc deth Arboretum. De hèt, aguest darrèr se trape ena “ROTA 3404” e lèu a tocar dera carretèra departamentau qu’amie entar ESPITAU DE FRANÇA includís ua grana colleccion d’arbes e mès particularaments conifèras de tot eth mon. guest Arboretum emplaçat en municipi de Luishon ei gerit pera UNIVERSITAT PAUL SABATIER (UPS). Qu’ei tengut per estudiants e recercaires. Aué qu’ei dubèrt entath public, e es visites vien organizades pera associacion “Amigos del Arboretum”.
Aguest lòc de riquesa unica, segontes es scientifics, qu’ei desconeishut entara populacion locau e eth public en generau pr’amor qu’eth concèpte non ei pas guaire comprenible entàs non iniciadi. Eth desir dera vila de LUISHON qu’ei associar ua dimension ludica e innovadora ara visita. En amassa damb O.N.F. e U.P.S., se crearà un recorrut didactic entà descurbir o redescurbir er arbe en sòn entorn en tot aufrir ua passejada sensoriau e educatiua per ua corsèra o sendèr mercat damb animacions. (Inventari micologic e floristic, sendèr, parc infantil e pòsa entà familhes). - Encara serà de besonh crear era prumèra estacion de trail transfronterèr. Era estacion de trail ei ua estructura esportiua dedicada ath foncionament dera montanha. Sendèrs o corsères de toti es nivèus que s’adapten autant a novelaris coma a practicants experimentadi. Es sendèrs vien mercadi e permeten de visitar eth territòri. Un punt de trobada informe as corredors, un lòc web permet as persones visualizar toti es sendèrs o corsères e eth potenciau der airau. Autaments qu’ei possible d’enregistrar eth sòn pròpri rendement entà poder-lo comparar damb eth de d’auti usatgèrs. ”Station trail” Ei ua mèrca enregistrada ® e ua airina entath desvolopament deth torisme. Eth nòste objectiu qu’ei crear era prumèra “estacion de camin” transfronterèra a chivau entermiei es tres parçans. Luishon ja contractèc ara enterpresa qu’administre eth concèpte. Era idèa ei que Vielha e Benasc bastisquen amassa es sues estacions de camin entà auer rotes comunes e complementàries en còr deth “REIAUME DETH ANETO”. Eth lòc web retransmeterà aguest nau producte.
- O supòrt as sectors primaris e agroalimentaris a trauèrs de hèires e hèires de promocion. En territòri, eth sector agricòla pèrd vam. Es municipis vòlen balhar supòrt a totes es iniciatiues que dan a conéisher aguesti trabalhs que son fondamentaus entar emplec, eth mantenement des populacions des endrets e era gestion deth païsatge.
